Կառավարության մամուլի կենտրոնում տեղի ունեցավ ԱՆ նախարար Արսեն Թորոսյանի մամուլի ասուլիսը:
Թորոսյանը ներկայացրեց այսօրվա արձանագրված թվերն ու իրավիճակը: Վարակվել է 335 մարդ, մահվան ելքով 3 դեպք: Մահվան թվերը հասել են 70-ի: Բուժվել 160 պացիենտ:
Նախարարը ներկայացրեց նաև ընդհանուր վարակվածների և առողջացածների թվերը. վարակվել է 5606, բուժվել 2581 հոգի, այս պահին բուժվողների թիվը 2928 է:
Արսեն Թորոսյանն ասաց, որ ծանր վիճակում գտնվողների թիվը 135 է, ծայրահեղ ծանր վիճակում կա 63 հիվանդ: Թոքերի արհեստական շնչառական սարքին միացված 15 քաղաքացի կա:
Նախարարն անդրադարձավ նաև թեստերին: Նա նշեց, որ իրականացվել է ռեկորդային թվով հետազոտություն, երեկ կատարվել է 1751-ը:
Թորոսյանն ասաց, որ վաղվանից թեթև կամ առանց սիմպտոմների հիվանդները կուղարկվեն տուն, որպեսզի շարունակեն բուժվել տանը: Եվ նոր վարակվածները, ովքեր չեն ունենա սիմպտոմներ, կմնան տանը:
Հայկ Մագոյան
