Մարտի 5-ի առավոտյան Ստրասբուրգից Փարիզ մեկնող էլեկտրագնացքը դուրս Է ընկել ռելսերից, ինչի հետևանքով առնվազն 21 մարդ է տուժել:
РИА Новости-ի հաղորդած տեղեկությունը փոխանցում է shamshyan.com-ը:
Ավելի վաղ Europe1 ռադիոկայանը հայտնել էր, որ գնացքի էլեկտրաքարշն ու մի քանի վագոն առավոտյան դուրս են ընկել ռելսերից, ինչի հետևանքով տուժել է 10 մարդ, այդ թվում՝ շարժակազմի մեքենավարը։
«TGV-ի Ստրասբուրգ-Փարիզ գնացքը ռելսերից դուրս է ընկել այսօր 07:45-ին Ինգենհայն և Զեսոլսհայն գյուղերի միջեւ, գնացքում եղել է 348 ուղեւոր»,-նշվում է պրեֆեկտուրայի տարածած հայտարարության մեջ: Նախնական տվյալներով՝ տուժել է 21 մարդ, նրանցից մեկը ծանր վերքեր է ստացել: Տեղում աշխատում է 92 հրշեջ։
