Կառավարության այսօրվա նիստում երկարաձգվեց «ՍՊՍ Սիգարոն» սահմանափակ պատասխանատվությամբ ընկերության կողմից «Ժամանակավոր ներմուծում` վերամշակման համար» մաքսային ռեժիմով Հայաստանի Հանրապետություն ներմուծված ապրանքների նկատմամբ կիրառված «Ժամանակավոր ներմուծում` վերամշակման համար» մաքսային ռեժիմի ժամկետը` մինչև 2014 թվականի մայիսի 5-ը: ՀՀ էկոնոմիկայի նախարար Վահրամ Ավանեսյանը նշեց, որ այս որոշումից 2 ամիս հետո ընկերությունը կվերսկսի արտադրանքի թողարկումը:
Միաժամանակ մինչև երեք տարի ժամկետով հետաձգվեց ներդրումային ծրագրի շրջանակներում «Մեգա Մեդ» սահմանափակ պատասխանատվությամբ ընկերության կողմից 300 միլիոն դրամը գերազանցող ապրանքների ներմուծման դեպքում մաքսային մարմինների կողմից հաշվարկված ավելացված արժեքի հարկի գումարների վճարման ժամկետը:
