Google, Yahoo, Twitter, Facebook և Linkedln էջերը ենթարկվել են ցանցահենային հարձակման։ Այս մասին հաղորդում է Mashable-ը նշելով, որ հնարավոր է 2 միլիոն հաշիվներ տուժել են այդ հարձակումից։
Հարձակման են ենթարկվել տարբեր երկրների օգտատերերի հաշիվներ, այդ թվում՝ ԱՄՆ-ում, Գերմանիայում և Թաիլանդում։ Կոտրված էջերի քանակով առաջատարը facebook-ն է (57%), նրան հետևում են Yahoo-ն (10%), Google-ը (9%) և Twitter-ը (3%)։
Հաղորդվում է, որ օգտատերերի գաղտնաբառերերը գողացվել են վնասակար ծրագրերի միջոցով։ Ըստ մասնագետների՝ այդ հարձակումը ոչ թե սոցիալական ցանցերի թուլության հետևանք են, այլ օգտատերերի համակարգիչներում վնասակար ծրագրերի առկայությունը։
