Պենտագոնի ներկայացուցիչները հաշվետվություն են ներկայացրել, որտեղ հայտնել են, որ ԱՄՆ հատուկ ծառայությունների նախկին գործակալ Էդվարդ Սնոուդենը ԱՄՆ ռազմա-հետախուզական գործողություններին վերաբերող մոտ 1,7 միլիոն ֆայլ է գողացել,- հայտնում է Associated Press-ը:
Պենտագոնի գաղտնի հաշվետվության մասին տեղեկություններ են հայտնել ԱՄՆ կոնգրեսմենները՝ հետախուզության հարցերով ներկայացուցիչների պալատի ղեկավար Մայք Ռոջերսը և Դատչ Ռուպպերսբերգերը:
Նրանք նշել են, որ Սնոուդենի կողմից առևանգված ֆայլերի մեծ մասը կապ ունի ԱՄՆ-ի կողմից այս պահին իրականացվող գործողությունների հետ: Պաշտոնյաների խոսքերով, գողացված փաստաթղթերից մի մասի հրապարակումն արդեն հասցրել է վնաս պատճառել ԱՄՆ հետախուզությանը:
