Սիրիայում հումանիտար իրավիճակը շարունակում է լարված մնալ։ Երկրի ավելի քան 9 միլիոն քաղաքացի համարվում է փախստական։ Այս մասին երեկ ՄԱԿ-ում անցկացված փակ քննարկումների ժամանակ ասել է այդ կազմակերպության գլխավոր քարտուղարի տեղակալ Վալերի Ամոսը։
Զեկույցի մասին քննարկումից հետո պատմել է ՄԱԿ-ի պաշտոնական ներկայացուցիչ Ամանդա Փիթը։ Զեկույցի համաձայն՝ 9.3 միլիոնից 6.5 միլիոնը ներքին տեղահանվածներն են։ Ամոսը կոչ է արել պաշտպանել Սիրիայի խաղաղ բնակչությանը, ում հասանելի չէ հումանիտար օգնությունը, ինչի համար անհրաժեշտ է ճնշում գործադրել իշխանությունների և ընդդիմության վրա։
