Իտալիայի վերաքննիչ դատարանը որոշում է կայացրել Սիլվիո Բերլուսկոնիի` քաղաքականությամբ զբաղվելու արգելքը մինչև երկու տարի կրճատելու մասին: Հիշեցնենք, որ նախորդ ատյանի որոշմամբ` Բերլուսկոնին նման գործունեություն չէր կարող վարել 5 տարվա ընթացքում:
Սակայն դատարանի որոշումն առայժմ ուժ չունի, քանի որ Բերլուսկոնին զբաղեցնում է սենատորի աթոռը: Նոյեմբեր ամսին սենատը պետք է որոշի, թե արդյոք Բերլուսկոնի կշարունակի պաշտոնավարել խորհրդարանում: Նոր բողոքարկման դեպքում դատավարությունը կարող է ձգվել ևս մի քանի ամիս:
Հիշեցնենք, որ նախորդ ատյանի դատարանը Բերլուսկոնիին մեղավոր էր ճանաչել իր նախկին ընկերության` «Մեդիասեթի» միջոցով 7 մլն դոլարի մեքենայություն կատարելու և հարկեր չվճարելու մեջ, ինչպես նաև Իտալիայում ամենահայտնի քաղաքական գործիչներից մեկին զրկել էր 5 տարով քաղաքակնությամբ զբաղվելու իրավունքից:
