Բրազիլացի լեգենդար ֆուտբբոլիստ Պելեն կմասնակցի Ֆուտբոլի աշխարհի առաջնության 2014 թվականի վիճակահանությանը, սակայն կտրականապես մերժել է մասնակցել գնդակները զամբյուղներից դուրս բերելու արարողությանը։ Պելեն մերժել է նույնիսկ նախագահ Դիլմա Ռուսեֆին։
«Դիլման խնդրեց, սակայն ես նախընտրեցի գնդակները չհանել, քանի որ ինձ հարմար չեմ զգում։ Իսկ եթե հանկարծ այդ վիճակահանության արդյունքները դրական չլինեն Բրազիլիայի համար», — տարակուսել է Պելեն։
Պելեն այս որոշումը պատահական չի ընդունել։ Նրան Բրազիլիայում անհաջողակ են համարում՝ անվանելով «պե ֆրիու» կամ «սառը ոտք»։ Բացի այդ, Պելեն հայտնի է նրանով, որ իր կանխատեսումները երբեք չեն իրականանում։ 1994 թվականին նա կանխատեսում էր Կոլումբիայի հաղթանակը, 1998-ին՝ Իսպանիայի, 2002-ին՝ Արգենտինայի կամ Ֆրանսիայի։ Սակայն նրանք բոլոր դուրս էին մնում նախնական փուլերից։
