Ինչպես տեղեկացնում է Грузия Online-ը, ռեստորանի մոտ, որտեղ ճաշում էր Վրաստանի նախագահ Միխեիլ Սաակաշվիլին, մի խումբ երիտասարդ ակտիվիստներ անցկացրել են բողոքի ակցիա, որին մասնակցել են իրավապաշտպաններ եւ նախկին բանտարկյալներ:
Սաակաշվիլուն La Truffe ռեստորանի դիմաց սպասող երիտասարդները նրա համար պատրաստել էին կաղամբ եւ գազար: Ինչպես հայտարարել են ակցիայի մասնակիցները, նախագահ Սաակաշվիլու պաշտոնավարման ժամկետի ավարտին մնացել է երեք օր եւ, որ այդ ընթացքում նրանք հետեւելու են նախագահին եւ հիշեցնելու իր կատարած հանցագործությունների մասին:
Սաակաշվիլին ստիպված է եղել ռեստորանը լքել ետին մուտքով:
