ԱՄՆ կատարած այցի շրջանակներում Վրաստանի նախագահ Միխեիլ Սաակաշվիլին հանդիպել է ԱՄՆ իր պաշտոնակից Բարաք Օբամայի հետ։ Այս ամասին հաղորդում է Gruziya-online-ը։
Սաակաշվիլին շնորհակալություն է հայտնել ԱՄՆ-ին Վրաստանի հետ համագործակցության, ինչպես նաև այն դիրքորոշման համար, որն Օբաման արտահայտել է Ռուսաստան կատարած այցի ժամանակ․ «Ցանկանում եմ շնորհակալություն հայտնել Ռուսաստան կատարած այցի ժամանակ սկզբունքային դիրքորոշման համար։ Հիմա մենք գտնվում ենք ռիսկերի մեծ փուլում։ Իրավիճակն ի վերջո շտկվելու է, բայց մեջբերելով Ձեզ՝ նշեմ՝ մինչև բարելավվելը՝ կարող է և շատ վատանալ»։
Բարաք Օբաման, իր հերթին գնահատել է Սաակաշվիլու դերը Վրաստանում ժողովրդավարության ներդրման գործում և հետաքրքրվել է պաշտոնավարման ավարտից հետո նրա ծրագրերի մասին։
