Հովիկ Չարխչյանն իր ֆեյսբուքյան էջում գրել է.
Ռուսաց լեզուն, ինչպես նաև որևէ այլ օտար լեզու, չի կարող Հայաստանում հատուկ կարգավիճակ ստանալ թեկուզ այն պարզ պատճառով, որ նման քայլ կատարելու համար չկա ոչ մի ծանրակշիռ հիմնավորում:
Մյուս կողմից Հայաստանի ազգային կազմը առավելապես միատարր է, և հենց միայն այս փաստը բավարար է ռուսերենի համար հալումաշ լինողների կեցվածքում հետին միտք տեսնելու համար:
Ուրեմն, ոչ թե ռուսատյացությունից կամ այլատյացությունից դրդված, այլ սոսկ պարզագույն տրամաբանությամբ առաջնորդվելով կարող ենք ասել, որ հատուկ կարգավիճակի կողմնակիցների բոլոր պատճառաբանությունները ստրկամտության դրսևորումներ են:
