Ռուսաստան — Հայաստան, Հայաստան — Լեհաստանի ապագա. ՈՒՂԻՂ

Վարշավայում այս պահին մեկնարկում է Շախմատի Եվրոպայի թիմային առաջնության 7-րդ տուրը:

6 տուրից հետո Հայաստանի տղամարդկանց հավաքականը 9 միավորով երրորդ հորիզոնականը կիսում է Ռուսաստանի հավաքականի հետ, որի հետ կմրցի այսօր: Առաջին հորիզոնականը զբաղեցնում է Ֆրանսիայի հավաքականը, որն ունի 11 միավոր: Այսօր ֆրանսիացիները մրցում են երկրորդ հորիզոնականում գտնվող Ադրբեջանի հետ (10 միավոր):

Կանանց հավաքականը 9 միավորով երկրորդ հորիզոնականում է: Մեր աղջիկները յոթերորդ տուրից հետո լավ հնարավորություն ունեն պահպանելու իրենց տեղը, քանի որ մրցում են կարգով ավելի թույլ «Լեհաստանի ապագա» երիտասարդական թիմի հետ: Առաջին հորիզոնականում 11 միավորով ուկրաինուհիներն են, որոնք այսօր մրցում են Լեհաստանի երրորդ թիմի հետ:

Ռուսաստան — Հայաստան

Ալեքսանդր Գրիշչուկ (2786) — Լևոն Արոնյան (2795)

Սերգեյ Մովսեսյան  (2696) — Պյոտր Սվիդլեր (2740)

Ալեքսանդր Մորոզևիչ (2734) — Վլադիմիր Հակոբյան (2684)

Գաբրիել Սարգսյան (2676) — Եվգենի Տոմաշևսկի (2720)

Հայաստան — Լեհաստանի ապագա

Էլինա Դանիելյան (2471) — Աննա Իվանով (2206)

Կլաուդիա Վիշնյովսկա (2145) — Լիլիթ Մկրտչյան (2469)

Լիլիթ Գալոյան (2301) — Մարիոլա Վոզնյակ (2048)

Օլիվիա Կիոլբասա (1981) — Մարիո Կուրսովա (2339)

Տղամարդկանց մրցաշարին կարող եք հետևել այստեղ, իսկ կանանց` այստեղ: Խաղերը կմեկնարկեն Երևանի ժամանակով 18:00-ին: