Ռուսաստանի 83 շրջանում նախօրեին հայտնաբերվել է կորոնավիրուսով վարակման 8952 նոր դեպք, հիվանդությունից մահացել է 181, ապաքինվել՝ 8212 մարդ: Այս մասին հայտնում է Ria.ru-ն:
Հայտնի է, որ անցյալ օրը վարակման ամենաշատ դեպքերը գրանցվել են մայրաքաղաք Մոսկվայում՝ 2367, այնուհետև Մոսկվայի մարզում ՝ 735, Սանկտ Պետերբուրգում՝ 365, Նիժնի Նովգորոդի և Սվերդլովսկի մարզերում՝ համապատասխանաբար 289 և 261, Խանտի-Մանսիական ինքնավար շրջանում՝ 167։
Երկրում կորոնավիրուսային վարակի հայտնաբերման համար ավելի քան 10,3 միլիոն թեստ է արվել։
