Երեկ երեկոյան անհայտ անձը Մախաչկալայում նռնականետով կրակել է «Золотая империя» ռեստորանի վրա: Վնասվել է ռեստորանի երկրորդ հարկը: Այնուհետեւ, ոստիկանության ժամանելուց հետո, ռեստորանի մոտակայքում կայանած մեքենան է պայթել:
Ահաբեկչության արդյունքում տուժել է 16 մարդ, որոնցից չորսը՝ ոստիկանության աշխատակից: Այս մասին տեղեկացնում է Ռուսաստանի Դաշնության ոստիկանությունը: Կատարված փաստի կապակցությամբ հարուցվել է քրեական գործ: Ռուս իրավապահները համոզված են, որ ահաբեկչությունը իրականացրել են մահմեդական ահաբեկիչները:
