Պորտուգալիայի հավաքականի հարձակվող Կրիշտիանո Ռոնալդուն վստահ է, որ իր հավաքականն ի վիճակի է պայքարել ամենաբարձր տիտղոսների համար։
«Դա անելը հեշտ չէ։ Մենք այն մակարդակին չենք, ինչ «Ռեալը»։ Բացի այդ, հավաքականում իմ խաղընկերներին այնքան էլ հաճախ չեմ տեսնում։
Պորտուգալիայում ապրում է ընդամենը 10 մլն մարդ, այնպես որ այստեղ թոփ-մակարդակի ֆուտբոլիստներ գտնելն այնքան էլ հեշտ չէ։ Այդ պատճառով Պորտուգալիան չի կարողացել նվաճել կարևոր տիտղոսներ՝ աշխարհի առաջնություն կամ Եվրոպայի առաջնությունը։
Սակայն մենք, միևնույնն է, հավատում ենք։ Պետք է վստահ լինենք, որ մի օր դա ստացվելու է։ Հնարավոր է՝ մենք ինչ-որ բան նվաճենք Եվրո 2016-ում։ Անհամբեր սպասում եմ դրան։ Կարծում եմ՝ դա հնարավոր է», — ասել է Ռոնալդուն։ Այս մասին հաղորդում է The Telegraph-ը։
Հիշեցնենք, որ Պորտուգալիայի հավաքականը Հայաստանի հետ միասին ընգրկված է Եվրո 2016-ի որակավորման փուլի խմբերից մեկում։
