Մադրիդի «Ռեալի» հարձակվող Կրիշտիանո Ռոնալդուն հաստատել է, որ հունվարի 13-ին կայցելի Ցյուրիխ, որտեղ կայանալուէ աշխարհի լավագույն ֆուտբոլիստի պարգևատրման՝ «Ոսկե գնդակի» մրցանակաբաշխությունը։ Այս մասին հաղորդում է AS-ը։
«Ես գնալու եմ այդ արարողությանը։ Չգիտեմ, թե հաղթելու ինչ հնարավորություններ ունեմ։ Եթե հաղթեմ՝ գերազանց է, իսկ եթե ոչ, ապա կշարունակեմ օգնել «Ռեալին» հաղթել, ինչպես դա արել եմ նախկինում»,- ասել է Ռոնալդուն։
Տեղեկացնենք, որ ավելի վաղ հաղորդվել է, որ Ռոնալդուն հնարավոր է չայցելի Ցյուրիխ՝ ՖԻՖԱ-ի նախագահ Զեպ Բլատերի հետ լարված հարաբերությունների պատճառով։ Վերջինս նոյեմբերին հայտարարել էր, որ աշխարհի ուժեղագույն ֆուտբոլիստ է համարում Մեսսիին, ով ի տարբերություն Ռոնալդուի, ավելի քիչ ժամանակ է անցկացնում վարսավիրանոցում։
Հիշեցնենք նաև, որ «Ոսկե գնդակին» հավակնում են նաև Լիոնել Մեսսին և Ֆրանկ Ռիբերին։
