Մադրիդի «Ռեալի» պորտուգալացի հարձակվող Կրիշտիանու Ռոնալդուն չի մասնակցի նոյեմբերի 27-ին կայանալիք թուրքական «Գալաթասարայ»-ի հետ Չեմպիոնների լիգայի խմբային փուլի տնային խաղին: Այս մասին հայտնում են իսպանական լրատվամիջոցները:
Պատճառը ֆուտբոլիստի վնասվածքն է, որը նա ստացել է Իսպանիայի առաջնության 14-րդ տուրում «Ալմերիայի» հետ խաղում (5:0): Ռոնալդուն ստիպված է եղել լքել խաղադաշտը երկրորդ խաղակեսի սկզբին:
«Ռեալի» գլխավոր մարզիչը չի ցանկանում Ռոնալդուի առողջությունը ռիսկի տակ դնել՝ Իսպանիայի առաջնության շրջանակներում կայանալիք «Վալյադոլիդի» հետ հանդիպումից առաջ, որը կկայանա նոյեմբերի 30-ին:
