Ֆրանսիացի հանրահայտ դերասան Պիեռ Ռիշարը, խոսելով Ժերար Դեպարդյեի մասին, ասել է, որ ինքն էլ ուրախ կլիներ դառնալ Ռուսաստանի քաղաքացի, սակայն չի կարող դա անել, քանի որ մեծ ընտանիք ունի Ֆրանսիայում: «Իմ և Ժերարի միջև տարբերությունն այն է, որ ես շատ թոռներ ունեմ: Հաճելի կլիներ ընդունել ռուսական քաղաքացիությունը, սակայն ինչպե՞ս ես կարող եմ թողնել թոռներիս և ընտանիքիս», — ասել է Ռիշարը: Այս մասին հաղորդում է ITAR-TASS-ը:
Հիշեցնենք, որ նախորդ տարի, դժգոհելով Ֆրանսիայի կառավարության սահմանած բարձր հարկերից, Դեպարդյեն տեղափոխվեց Ռուսաստան` ստանալով այդ երկրի քաղաքացիություն:
