Իսպանիայի առաջնության վերահսկիչ-կարգապահական կոմիտեն կքննարկի Մադրիդի «Ռեալի» պաշտպան Սերխիո Ռամոսի պահվածքը «Աթլետիկոյի» դեմ Պրիմերայի 7-րդ տուրի խաղում (0-0), հաղորդում Է Armsport.am-ը՝ հղում անելով Diario Sport-ին:
Դիմակայության ընթացքում Ռամոսը անպարկեշտ արտահայտություններ է օգտագործել մրցավարների մոր հասցեին։ Ֆուտբոլիստին սպառնում է 4-խաղյա որակազրկում։ Այդ դեպքում «Ռեալի» պաշտպանը բաց կթողնի «Գրանադայի», «Մալյորկայի», «Բարսելոնայի» և «Լեգանեսի» հետ հանդիպումները։
Էլ Կլասիկոն կկայանա հոկտեմբերի 26-ին Բարսելոնայում՝ «Կամպ Նոու» ստադիոնում:
