Հոլիվուդյան դերասան Ջորջ Կլունին Վլադիմիր և Վիտալի Կլիչկոներին հղած տեսաուղերձում իր աջակցությունն է հայտնել Ուկրաինայում բողոքի ակցիայի մասնակիցներին։ Այդ մասին Կլիչկո եղբայրները հայտնել են իրենց Թվիթերում։
«Ես դիմում եմ Ուկրաինայի բոլոր խիզախ բնակիչներին, ովքեր ցանկանում են առաջ շարժվել, այլ ոչ թե ետ։ ԱՄՆ-ն աջակցում է նրանց, ովքեր ձգտում են ժողովրդավարության։ Իսկ ճշմարիտ ժողովրդավարությունը չի կարող գոյություն ունենալ առանց ազատ, արդար և ազնիվ ընտրությունների»,-հայտարարել է հոլիվուդյան աստղը։
