ԱՄՆ պետքարտուղար Ջոն Քերին հետաձգել է Ալժիր և Մարոկո կատարելիք իր այցելությունները՝ Ժնևում Իրանի միջուկային ծրագրի քննարկումների պատճառով:
Այս մասին հայտարարել է ԱՄՆ պետդեպարտամենտը: Պետդեպարտամենտի ներկայացուցիչ Ջեն Պսակիի հայտարարության մեջ ասվում է. «Մենք գնահատում ենք մեր հարաբերությունները Ալժիրի և Մարոկոյի հետ, և Քերին կգլխավորի ամերիկյան պատվիրակությունը՝ այս երկրների հետ ռազմավարական երխոսության շրջանակներում»:
Ջոն Քերին ուրբաթ օրը ժամանել էր Շվեյցարիա, ուր անցկացվում է Իրանի միջուկային ծրագրի հարցով վեցյակի հանդիպումը: Քերին կհանդիպի նաև Իրանի արտգործ նախարարարության ղեկավարի հետ:
