Պուտինի աշխատակազմը պահանջել է ապամոնտաժել Կարմիր հրապարակում Louis Vuitton-ի հսկայական ճամպրուկը

Նախագահ Վլադիմիր Պուտինի աշխատակզմը պահանջել է, որպեսզի Կարմիր հրապարակի տարածքից ապամոնտաժվի  Louis Vuitton նորաձևության տան` հսկայական ճամպրուկի տեսք ունեցող խանութը, որը տեղադրվել էր Կարմիր հրապարակի տարածքում: Մոսկվայի իշխանությունները հայտարարել են, որ այն կապամոնտաժվի, եթե ճանաչվի, որ այն գովազդային կառույց է:  Louis Vuitton-ի «ճամպրուկը» մեծ աղմուկ է բարձրացրել մոսկվացիների շրջանում: Այն տեղադրվել էր Մոսկվայի հայտնի հանրախանութի 120-ամյակի տոնակատարությունների շրջանակներում: