Պետերբուրգում ազգայնականները սպանել են ներգաղթյալի

Ռուսաստանի հյուսիսային մայրաքաղաք Սանկտ-Պետերբուրգի իրավապահները հետաքննում են Կենտրոնական Ասիայից ներգաղթյալի սպանության գործը։ Հանցագործությունը տեղիէ  ունեցել երկուշաբթի օրը մետրոյի կայարաններից մեկի մոտ։ Այս մասին հաղորդում է Interfax գործակալությունը։

Նախնական տեղեկություններով՝ սպանվածն Ուզբեկստանի քաղաքացի է։ Գործը հարուցվել է էթնիկական խտականության հողի վրա կատարված հանցագործության հատկանիշներով, քանի որ մերձակայքում գտնվող տեսախցիկները ֆիքսել են, որ հարձակվողները եղել են ազգայնականներին բնորոշ համազգեստով։