ԱԺ պատգամավորներ Էլինար Վարդանյանը, Նաիրա Զոհրաբյանը, Միքայել Մելքումյանը «Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու նախագիծ են ներկայացրել, որին կառավարությունը վաղը բացասական եզրակացություն կտա:
«Նախագծի ընդունման դեպքում Հայաստանի Հանրապետության 2014 թվականի պետական բյուջեում մինչև երկու տարեկան երեխայի խնամքի նպաստ ծրագրով անհրաժեշտ կլինի լրացուցիչ 15,533.856 մլն դրամ, որը նախատեսված չէ ինչպես Հայաստանի Հանրապետության Ազգային ժողովին ներկայացված Հայաստանի Հանրապետության 2014 թվականի պետական բյուջեի նախագծով, այնպես էլ Հայաստանի Հանրապետության 2014-2016 թվականների պետական միջնաժամկետ ծախսերի ծրագրով»,- ասվում է կառավարության եզրակացության մեջ:
