ԱԺ նախագահ Հովիկ Աբրահամյանի խորհրդարանում ներկայացված խմբակցությունների ղեկավարների մասնակցությամբ խորհրդակցություն է հրավիրել, որի ժամանակ քննարկվել է տարբեր խորհրդարանական վեհաժողովներում ազգային պատվիրակությունների ձևավորման նոր կարգը: ԱԺ նախագահն առաջարկել է, որ պատվիրակությունների ձևավորման կարգում գործի այսպես կոչված՝ այլընտրանքի սկզբունքը:
«Հայ Յեղափոխական Դաշնակցություն» խմբակցության ղեկավար Արմեն Ռուստամյանն ի պատասխան լրագրողների այն հարցին, թե սրանից հետո ի՞նչ կարգ է գործելու, ասել է. «Դեռ քննարկվում է: Մեծ փաթեթ է, կանոնակարգային կետեր են: ԱԺ նախագահը պետք է սահմանի պատվիրակությունների ձևավորման կարգը: Եղել են բազմաթիվ առաջարկներ»:
Էմմա Պալյան
