Պայթյուն Պակիստանում. կան զոհեր և վիրավորներ

Պակիստանի Փեշավար քաղաքի մուսուլմանական կենտրոնում տեղի ունեցած պայթյունի հետևանքով առնվազն 7 մարդ մահացել է, ևս 55-ը՝ վիրավորվել։ Այս մասին հաղորդում է «ԻՏԱՐ-ՏԱՍՍ»-ը։

Պայթյունը տեղի է ունեցել երեկոյան՝ մուսուլմանների աղոթքի ժամանակ, երբ շենքում և դրա հարակից տարածքում շուրջ 800 մարդ է եղել։

Ինչպես հայտնում են տեղական ԶԼՄ-ները, այժմ դեպքի վայրում ոստիկանությունը հետաքննություն է անցկացնում։