Պաղեստինը կարող է ճանաչել Իսրայելը որպես հրեական պետություն

Պաղեստինցիները կարող են ճանաչել Իսրայելը որպես հրեական պետություն։ Այս մասին հաղորդում է MAAN գործակալությունը, որի հետ զրուցել է ՊԱԿ-ի կենտրոնական կոմիտեի անդամ Նաբիլ Ամրը։

Նա ասել է, որ Պաղեստինը կարող է համաձայնվել Իսրայելը՝  որպես հրեական պետություն ձևակերպման հետ։ Սակայն նրա խոսքերով՝ այդ հարցը դեռ լուծված չէ, անհրաժեշտ է համաձայնություն ստանալ հանրաքվեի միջոցով։

Հիշեցնենք, որ վերջին ամիսների ընթացքում ԱՄՆ պետքարտուղար Ջոն Քերիի միջնորդությամբ վերսկսվել են պաղեստինա-իսրայելյան խաղաղ բանակցությունները, որոնք, ըստ մասնագետների, կարող են ավարտվել խաղաղության համապարփակ համաձայնագրով։