Այսօր Պակիստանում երեք օր առաջ տեղի ունեցած հզոր երկրաշարժի հետևանքով զոհերի թիվը հասել է 400-ի: Այս մասին հաղորդում է Xinhua գործակալությունը:
Նշվում է, որ զոհերի թիվը կարող է աճել, քանի որ փլատակների տակ մնում են բազմաթիվ մարդիկ: Այժմ փրկարարներն անցկացնում են որոնողական աշխատանքեր:
Հիշեցնենք, որ Պակիստանի հարավ-արևմուտքում տեղի ունեցած երկրաշարժի ուժգնությունն էպիկենտրոնում կազմել է 7,7 մագնիտուդ: Երկրաշարժը տեղի է ունեցել Բելուջիստան նահանգում:
