Տիգրան Առաքելյանը «ՉԻ» հետ զրույցում նշել է.
«…Ես եկա այն եզրակացությանը , որ այն ինչ անում ենք ճիշտ ենք անում , և որ այս իշխանությունները օր առաջ պետք է հեռացվեն, որպեսզի այս երկիրը կործանման չգնա: Մեր երկիրը մի քանի տարի հետո ընդամենը կլինի հայրենիք առանց հայերի: Մեր ամենակարևոր խնդիրը պետք է լինի արտագաղթը կանգնեցնելը, իսկ դրա ճանապարհը Սերժ Սարգսյանի հեռացումն է իշխանությունից: Ես նաև եկա այն համոզման, որ այն նպատակները, որ մենք դրել ենք 2008թ.-ից սկսած, դրանք մինչև օրս ակտուալ են : Չի կարող հանցագործ ռեժիմի իշխանության օրոք որևէ դրական փոփոխության, ժողովրդավարության մասին խոսք գնալ: Դա հնարավոր բան չէ : Իսկ մեր երկրի բոլոր խնդիրները կապված են ընտրությունների հետ: եթե նայենք միայն վերջին 5-6 տարիների կտրվածքով, երբ իշխանությունը բռնազավթվեց, դրանից հետո սկսված բոլոր երևույթները, որ մարդիկ փախչում են երկրից , որ մարդիկ սոված են, որ այստեղ ապրելու հնարավորություն չունեն, դրանք հետևանքներ են, ամեն ինչի սկիզբը եղել է ընտրությունների կեղծումը, ոչ լեգիտիմ իշխանությունների առկայությունը մեր պետության մեջ»:
Ամբողջական հոդվածը թերթի այսօրվա համարում
