Ուհանում շարունակվում է պայքարը բազմաթիվ կյանքեր խլած կորոնավիրուսի դեմ: Չինացի բուժաշխատողները շատ դեպքերում ստիպված են աշխատել շուրջօրյա ռեժիմով: Նրանք գտնվում են ռիսկի խմբում, քանի որ ստիպված են մնալ մահաբեր վարակի էպիկենտրոնում:
Սոցցանցերում լուսանկարներ են հայտնվել Ուհան քաղաքից, որոնցում պատկերված են չինացի բուժաշխատողներն աշխատանքային հերթափոխից հետո:
Աղբյուրը հայտնում է, որ նրանց դեմքերին նկատելի է ոչ միայն հոգնածությունը, այլեւ պաշտպանական դիմակների եւ հագուստի հետքերը, որոնք վերքերի են վերածվում:
Բժիշկները ստիպված են օրերով մնալ իրենց աշխատավայրերում՝ չվարակվելու համար կրելով պաշտպանական հանդերձանք: Շատ դեպքերում նրանք սնվելու եւ հանգստի ժամանակ չունեն:
