Չինաստանում հնագետները հայտնաբերել են ոսկորից պատրաստված 3 ֆլեյտա, որոնք պատրաստվել են 9 հազար տարի առաջ: Պեղումներն իրականացվել են Կենտրոնական Չինաստանի Խենան նահանգում: Այս մասին տեղեկացնում է Xinhua գործակալությունը:
Կարմրագլուխ կռունկի ոսկորներից պատրաստված երաժշտական գործիքը վկայում է, որ հին չինացիները երաժշտության հիմունքներին ավելի շուտ են տիրապետել, քան գրին: Քարե դարի ֆլեյտան իրենից ներկայացնում է գլանակ, որն ունի 20 սմ երկարություն: Բացի ֆլեյտայից, հայտնաբերվել են նաև կերամիկական իրեր, ինչպես նաև գուշակության համար քարեր:
