Չինաստանի իշխանությունները մեղադրել են Դալայ Լամային հարյուրավոր տիբեթյան ընտանիքները բաժանելու և երեխաների իրավունքները խախտելու մեջ: Այս մասին հաղորդում է Xinhua գործակալությունը: Հաղորդվում է, որ 1960-ականներին 14-րդ Դալայ լաման կազմակերպել և Շվեյցարիա է տեղափոխել բազմաթիվ տիբեթցի երեխաների:
Չինական կողմը շվեյցարական հեռուստատեսությամբ ռեպորտաժից հետո հայտարարել է, որ նման քայլով Դալայ Լաման փորձել է իրագործել Չինաստանից Տիբեթի անջատման ծրագիրը: Պարզվել է, որ որբերի անվան տակ Շվեյցարիա տեղափոխված 200 երեխաներից միայն 19-ն են եղել ծնողազուրկ: Ըստ նույն աղբյուրի, այս երեխաներին համապատասխան ուսում տալու միջոցով տիբեթցի հոգևորականները փորձել են տարածել իրենց ուսմունքն ու անջատողականություն քարոզել:
