Հոկտեմբերի 31-ին Թուրքիայի արտգործնախարար Մևլութ Չավուշօղլուն հեռախոսազրույց է ունեցել ԱՄՆ պետքարտուղար Մայք Պոմպեոյի հետ:
Թուրքական աղբյուրը, հղում անելով դիվանագիտական աղբյուրներին, հայտնում է, որ Չավուշօղլուն և Պոմպեոն քննարկել են ԱՄՆ Կոնգրեսի Ներկայացուցիչների պալատի ընդունած բանաձևերը և Սիրիայի հարցը: Այս մասին գրում ermenihaber.am-ը:
Ավելի վաղ, Չավուշօղլուն Հայոց ցեղասպանությունը ճանաչող բանաձևի ընունումը «ամոթալի» որոշում էր որակել և պնդել, որ այն ոչ մի նշանակություն չունի Թուրքիայի ժողովրդի և կառավարության համար:
Հիշեցնենք, որ Ներկայացուցիչների պալատը հոկտեմբերի 29-ին ընդունել էր Հայոց ցեղասպանությունը ճանաչող բանաձև և Սիրիայի հյուսիս-արևելքում ռազմագործողություն հետևանքով Թուրքիայի դեմ պատժամիջոցներ կիրառելու օրինագիծ:
