Իսպանական «Բարսելոնայի» կիսպաշտպան Չավին ռեկորդ է սահմանել Չեմպիոնների լիգայում հաղթական խաղերին մասնակցելու ցուցանիշով։
Մրցաշարի 4-րդ տուրում նրա թիմը 3։1 հաշվով առավելության է հասել «Միլանի» նկատմամբ։ Սա Չավիի 80-րդ հաղթանակն է Չեմպիոնների լիգայում։
Այս ցուցանիշով նա առաջ է անցել իսպանացի մեկ այլ անվանի ֆուտբոլիստ Ռաուլից, ով ուներ 79 հաղթանակ։
Հիշեցնենք, որ Չավին «Բարսելոնայի» կազմում 3 անգամ դարձել է այս մրցաշարի հաղթող՝ 2006, 2009, 2011թթ․-ին։
