Չեխիայի փոխվարչապետ Պավել Բելոբրադեկն, ով կառավարությունում պատասխանատու է գիտության, հետազոտությունների և նորարարությունների համար, ինչպես նաև ղեկավարում է «Չեխոսլովակիայի ժողովրդական կուսակցություն — Քրիստոնյա-դեմոկրատական ունիա» դաշինքը, սեփական մեքենայով հարվածել է մոտոցիկլավարի: Այս մասին հայտնել է Պրահայի ոստիկանությունը:
Միջադեպը տեղի է ունեցել նախօրեին՝ մայրաքաղաքում: Մոտոցիկլավարը ստացել է թոքերի վնասվածքներ, իսկ նյութական վնասը կազմել է շուրջ 2 հազար դոլար: Վթարի ժամանակ և՛ փոխվարչապետը, և՛ մոտոցիկլավարը եղել են սթափ վիճակում:
Այժմ ընթանում է քննություն:
