Այսօր Ուկրաինայի մայրաքաղաք Կիևում հազարավոր ուկրաինացիներ կազմել են կենդանի շղթա, ինչը խորհրդանշել է Ուկրաինայի և ԵՄ միությունը: Անկախության մայդանից այն ձգվել է հայտնի Կրեշչատիկով եւ մյուս փողոցներով: Ակցիայի մասնակիցների մեծամասնությունն ուսանողներ են, ովքեր պարզել են Ուկրաինայի և Եվրամիության դրոշները:
Հայտնի է, որ նմանատիպ ակցիաներ իրականացվում են նաև այլ խոշոր քաղաքներում: Նախնական տեղեկություններով` մինչև Լեհաստանի սահման ձգվող շղթա կազմելու համար անհրաժեշտ է 520 հազար մարդ:
Այսօր հանրահավաք է անցկացրել նաև իշխող «Ռեգիոնների» կուսակցությունը, որտեղ հավաքվել է 10 հազար մարդ:
