Ուկրաինայում Ռուսաստանի ծավալած գործողությունների պատճառով տեղի է ունեցել ֆոնդային շուկաների զգալի անկում, ներդրողները մեծ գումարներ են դուրս բերում շուկայից` վախենալով ՌԴ-ի անկանխատեսելի գործողությունների հետևանքով ֆինանսական զգալի կորուստներից:
Այսպես, Մոսկվայի միջբանկային արտարժույթային բորսայում RTS-ի ինդեքսն անկում է ապրել մոտ 10 տոկոսով: Դա ամենանվազագույն ցուցանիշն է 2013 թվականի հունիսից: Անկումն այս պահին թեև նվազել է, բայց կայուն շարունակվում է: Զգալի կորուստներ են արձանագրել «Գազպրոմը», «Ռոստելեկոմը», «Մեչելը» և այլն:
Բացի այդ, արժեզրկվել է ռուբլին: Եվրոն արժե ավելի քան 50 ռուբլի, մեկ դոլարի դիմաց առաջարկվում է 37 ռուբլի գինը:
