Կիևում այս պահին բանակցությունների մեկ սեղանի շուրջ հավաքվել են Ուկրաինայի չորս նախագահները` գործող նախագահ Վիկտոր Յանուկովիչի գլխավորությամբ: Հանդիպմանը ներկա են Լեոնիդ Կրավչուկը, Լեոնիդ Կուչման, Վիկտոր Յուշչենկոն: Այս մասին հաղորդում է ՈւՆԻԱՆ-ը:
«Չորս նախագահների հանդիպումը մեկնարկել է: Այս հանդիպումը պետք է դիտարկել որպես համազգային կլոր սեղանի նախապատրաստական փուլ, որին կմասնակցեն չորս նախագահները, «Դեկտեմբերի 1»-ի նախաձեռնությունը, ընդդիմադիրներ, երիտասարդներ, քաղաքացիական հասարակության ներկայացուցիչներ», — ասել է Յուշչենկոյի մամուլի խոսնակ Իրինա Վանիկովան:
