Հիդրոօդերևութաբանները բացատրել են, թե որոնք են աշխարհում աննորմալ սառնամանիքների պատճառը: Նրանք նշում են, որ «ռուսական ձմռան» առկայությունն ԱՄՆ-ում պայմանավորված է արկտիկական ցիկլոնի տեղափոխությամբ դեպի Հյուսիսային Ամերիկա, ինչն ապահովել է համեմատաբար տաք ձմեռ հենց Ռուսաստանում:
Այդուհանդերձ, ձմեռն իր խոսքը դեռ կասի Ռուսաստանում և Եվրոպայում: Մկրտության տոներին եղանակն այստեղ կարող է իջնել -20 աստիճանից:
Հիշեցնենք, որ Հայաստանում` Արարատյան դաշտավայրում, նույնպես հաստատվել են երկարատև սառնամանիքներ: Արդեն մեկ ամսից ավելի է, ինչ ցերեկային ջերմաստիճանի մինիմումը կազմում է -5 աստիճան: Իսկ գիշերային ցրտերը հասել են -20-ի:
