«Ռեալի» գլխավոր մարզչի պաշտոնում փոփոխության հարցը, կարծես, կրկին ակտուալ է դառնում մրցաշրջանի անհաջող մեկնարկից հետո: Իսպանական Marca պարբերականը Զիդանին փոխարինողի 3 տարբերակ է առաջարկում:
Գլխավոր թեկնածուն, ըստ պարբերականի, «Արքայական ակումբի» նախկին գլխավոր մարզիչ Ժոզե Մոուրինյոն է, որն այս պահին աշխատանք չունի ու դեմ չէր լինի Մադրիդ վերադառնալ:Մյուս թեկնածուն Ռաուլն է՝ Կաստիլյայի գլխավոր մարզիչը, իսկ երրորդ թեկնածուն՝ «Յուվենտուսի» նախկին գլխավոր մարզիչ Մասիմիլիանո Ալեգրին է, որի՝ «Ռեալը» գլխավորելու մասին խոսակցություններ կային դեռ 2018 թվականին:
