Ինչպես արդեն հայտնել էինք, երեկ ՀՀ երկրորդ նախագահ Ռոբերտ Քոչարյանը «Իզմիրլյան» ԲԿ-ում վիրահատության է ենթարկվել:
«Իզմիրլյան» բժշկական կենտրոնի գործադիր տնօրեն Արմեն Չարչյանը Araratnews.am-ի հետ զրույցում մանրամասներ ներկայացրեց Քոչարյանի առողջական վիճակի մասին:
«Վիրահատությունն անցել է բարեհաջող: Հիմա դեռ հիվանդանոցում է գտնվում: Հետվիրահատական շրջանը ևս 5-7 օր կտևի»,- ասաց ԲԿ գործադիր տնօրենը:
Հարցին՝ արդյոք Քոչարյանին տեսակցություններ թույլատրվո՞ւմ են, Չարչյանը նշեց. «Կատեգորիկ ոչ: Իր սենյակի դիմաց անվտանգություն է կանգնած, և ելք ու մուտք ունեն միայն բուժող բժիշկները, անգամ սովորական այլ բժիշկներն իրավունք չունեն մտնել սենյակ: Որևէ այլ անձ մտնել չի կարող»:
