 Էդգար Կոստանյանը իր ֆեյսբուքյան էջում գրում է.
«Ես հիմա ամենայն լրջությամբ ու պատասխանատվությամբ հայտարարում եմ, որ այսուհետ ոչ մի լումա չեմ վճարելու կարմիր գծանշումներով կայանատեղիների համար, ու դրա համար ունեմ անհրաժեշտ բոլոր իրավունքները:
Եթե ես վճարել եմ մեկ ամսվա համար, այդ մեկ ամսվա ընթացքում ես իրավունք ունեմ կանգնելու կարմիր գծանշում ունեցող ցանկացած ազատ տեղում: Բայց արդեն երրորդ կամ չորրորդ անգամ տեսնում եմ նույն պատկերը: Ինչ-որ սրճարանների կամ խանութների դիմաց` կարմիր գծերի վրա, դրված են ինչ-որ առարկաներ, որ մեքենա չկարողանա կանգնել:
Հիմա թող էդ վճարովի կայանատեղիների պատասխանատուներն ինձ բացատրեն, թե ոնց է լինում, որ ես վճարում եմ կայանման համար, բայց չեմ կարողանում մեքենաս կայանել ՀԱՍԱՐԱԿԱԿԱՆ ավտոկայանատեղիում, ոչ թե այն պատճառով, որ տեղ չկա, այլ որովհետև դա էս սրճարանի կամ էն խանութի շեֆի տեղն ա…» |
