Ներկայացնում ենք յուղերի մասին ամենակարևոր հարցերը. թե որ յուղերն ինչի համար կարելի է օգտագործել:
- Ի՞նչ գործոններով է պայմանավորվում յուղերի ազդեցությունը օրգանիզմի վրա։
Բուսայուղերի ազդեցությունը առողջության վրա պայմանավորված է այն հանգամանքով, թե ինչ ճարպաթթուներ կան դրանց կազմում, հումքի որ տեսակից են ստացվել և ինչ եղանակով կորզվել։
- Ո՞ր յուղերն են պարունակում հագեցած ճարպեր, որոնք՝ ոչ հագեցած։
Հագեցած յուղերը (կենդանական ծագման բոլոր յուղերը, ինչպես նաև կոկոսի, արմավի, կակաոյի, արմավի, ավոկադոյի, հալած կամ գխիի յուղը) դիմացկուն ու կայուն են թթվելու և տաքացման բարձր ջերմաստիճանների նկատմամբ։ Դրանցով կարելի է համարձակորեն տապակել։ Չհագեցած ճարպերը մյուս բոլոր ճարպաթթուներն են, որոնք բաժանվում են մոնոչհագեցածների (ավոկադոյի, ձիթապտղի, մակադամիայի յուղ) և կիսաչհագեցածների (սերմերից և ընկույզից ստացվածների մեծ մասը, խաղողի կորիզի յուղը)։
- Մոնոչհագեցած և կիսաչհագեցած յուղեր. այդ ինչպե՞ս
Մոնոչհագեցած յուղերը շատ անկայուն են, այդ պատճառով էլ պիտանի են միայն սառը վիճակում օգտագործելու համար։ Տաքանալիս և թթվածնի հետ շփման դեպքում դրանք վերածվում են թունավոր միացությունների, այդ թվում՝ տրանսճարպերի, որոնք կործանարար ազդեցություն են ունենում սրտանոթային համակարգի և ամբողջ օրգանիզմի վրա։ Կիսաչհագեցած յուղերն ավելի կայուն են, սակայն դրանք ևս չարժե բարձր ջերմաստիճաններում ուտելիք պատրաստելիս օգտագործել։
- Ի՞նչ է նշանակում զտված և չզտված յուղեր։
Զտված ձեթն անցել է մաքրման մի քանի լրացուցիչ աստիճան։ Այն անվանում են նաև առաջին սառը քամումի կամ կուսական յուղ (Virgin)։
Շարունակելի
Հաջորդ հրապարակման մեջ կներկայացնենք, թե ինչ է նշանակում զտված և չզտված յուղեր և դրանցից որոնք են իդեալական տապակելու համար:
