Գերմանացի ավտոարշավորդ Միխայել Շումախերը շարունակում է մնալ Գրենոբլի հիվանդանոցում անցած տարվա դեկտեմբերի վերջին ստացած ծանր գանգուղեղային վնասվածքից հետո։ Այս մասին հաղորդում է Associated Press գործակալությունը։
Ապրիլ ամսվա կեսերին Շումախերի գործակալ Սաբինա Կրեմերը հայտնել էր, որ շուտով աշխարհի յոթակի չեմպիոնին կտեղափոխեն վերականգնողական կենտրոն։ Սակայն, ըստ վերջին տեղեկությունների, Շումախերը մնում է հիվանդանոցում։
