Ինչպես հայտնի է՝ պիցցան օգտակար սնունդ չի համարվում, սակայն շոտլանդացի գիտնականները փորձել են դիետիկ և օգտակարության ավելի բարձր ցուցանիշով պիցցա պատրաստել: Այս մասին հայտնում է Kedem-ը:
Գիտնականները որպես օրինակ վերցրել են Մարգարիտա պիցցան, որը 600 կալորիա է պարունակում և բարձր յուղայնություն ունի:
Գիտնականները նոր, դիետիկ պիցցան պատրաստելու համար օգտագործել են միայն բնական մթերք՝ ալյուր, խմորիչ, աղ, ջրիմուռ, բուլղարական տաքդեղ, չերրի լոլիկ, սխտորի փոշի, օրեգանո և Մոցարելլա պանիր:
Այնուհետև պիցցան հյուրասիրել են փորձի մասնակիցներին: Մեծահասակների 77%-ը և երեխաների 81%-ը հայտնել են, որ նոր պիցցան ավելի համեղ է, քան սովորական Մարգարիտան:
