Շանթ Հարությունյանն այսօր դիմում է ներկայացրել վարույթ իրականացնող մարմնինˋիր հարազատների հետ տեսակցություններ եւ հեռախոսազանգեր ունենալու համար: Այս մասին Araratnews.am-ի հետ զրույցում ասաց Շանթ Հարությունյանի փաստաբան Ինեսա Պետրոսյանը:
Շանթ Հարությունյանն այժմ գտնվում է Երեւանի Կենտրոն քրեակատարողական հիմնարկում: Փաստաբանը նրան երեկ է այցելել:
«Ինքը բողոքում է, որ բացվի իր հարազատների, մերձավորների հետ տեսակցելու արգելանքը:Ինքը դիմում է ներկայացրել վարույթ իրականացնող մարմնին եւ նշել, որ դա դիտարկվում է որպես իր նկատմամբ հոգեբանական ճնշում, իրեն կոտրելու միջոց, որովհետեւ 42 օր է տեղեկություն չունի իր հարազատներից»,-ասաց Պետրոսյանը:
Իսկ դատաբժշկական փարձաքննության եզրակացությունն, առաջիկա օրերին, պետք է ուղարկվի վարույթ իրականացնող մարմին:
«Դրանից հետո մենք կծանոթանանք: Քննիչները պարտավոր են տասն օրվա ընթացքում ծանոթացնել մեզ, որից հետո կորոշենք ինչ քայլի ենք դիմելու»,-հավելեց Պետրոսյանը:
