Նյու Յորքում 63 տարեկանում անսպասելի մահացել է կուբայական ծագում ունեցող ամերիկացի գրող Օսկար Հիխուելոսը։ Առայժմ պաշտոնապես չի հայտարարվել հայտնի գրողի մահվան պատճառների մասին, սակայն The New York Times-ը հայտնել է, որ Հիխուելոսը մահացել է թենիս խաղալիս՝ սրտի կաթվածից ։
Հայտնի գրողը ծնվել է Նյու Յորքում, Կուբայից գաղթածների ընտանիքում։ 1990 թվականին նա ստացել է Պուլիտցերյան մրցանակը «Սիրո երգ նվագող մամբոյի արքաները» գրքի համար։ Երկու տարի անց այս գրքի հիման վրա նկարահանվել է «Մամբո արքաները» ֆիլմը, որում գլխավոր դերը խաղացել է Անտոնիո Բանդերասը։
