Ինչպես հաղորդում է CNN-ը, Նյու Յորքի բնակարաններից մեկում ոստիկանները հայտնաբերել են 850 օձ: Դեպքն արձանագրվել է Նյու Յորքի Բրուքհեվըն արվարձանում: Նույն աղբյուրի համաձայն, Բրուքհեվընի բնակիչ Ռիչադ Պարինելյոն օձերին պահել է իր ավտոտնակում, իսկ կենդանիների ընդհանուր արժեքը կազմել է մոտ կես միլիոն դոլար:
Հաղորդվում է նաև, որ ավտոտնակում հայտնաբերվել են նաև հազվագյուտ տեսակի սողուններ, որոնք գտնվում են ոչնչացման եզրին:
