Վարչապետ Նիկոլ Փաշինյանի քեռու տղայի նկատմամբ հարուցված քրեական գործով դատարանը նրան մեղավոր է ճանաչել ու տուգանել 200 հազար դրամով: Այս մասին գրում է Panorama.am-ը:
«Վերլուծելով գործի նյութերը, հաշվի առնելով ՀՀ քրեական օրենսդրության վերը նշված պահանջներն ու Մամիկոն Հովհաննիսյանի անձը բնութագրող հանգամանքները` դատարանը գտավ, որ ամբաստանյալի նկատմամբ պետք է պատիժ նշանակել տուգանքի ձևով, որը բավարար կլինի նրա ուղղման ու վերադաստիարակման համար»,- ասվում է Տավուշի մարզի առաջին ատյանի ընդհանուր իրավասության դատարանի դատավոր Զ. Զաքինյանի որոշման մեջ։
Նշենք, որ Մ. Հովհաննիսյանի նկատմամբ քրեական գործ հարուցվել էր Նիկոլ Փաշինյանի ցուցումով։
