Նիգերիայի բանակը երկրի հյուսիս-արևելքում ծավալված մարտական գործողության ընթացքում ոչնչացրել է իսլամիստական «Բոկո Հարամ» խմբավորման 37 զինյալների: Այս մասին հայտնում է France Presse գործակալությունը՝ հղում անելով տեղական լրատվամիջոցներին:
Հաղորդվում է, որ մարտական գործողության ընթացքում նիգերիական բանակի ուժայինները ավիացիայի օգնությամբ հարվածներ են հասցրել ահաբեկիչների ճամբարին:
«Բոկո Հարամ» իսլամիստական ահաբեկչական խմբավորումը գործում է երկրի հյուսիսում: Խմբավորումը պատասխանատվություն է կրում երկրում իրականացված մի շարք ահաբեկչական գործողությունների համար:
